Patxi Abad Laudioko euskal preso politikoaren gaineko euroagindua ebatzi berri du Frantziako Justiziak. Hartutako erabakiaren arabera, datozen egunetan espainaratuko dute laudioarra. Patxi Abaden familiak adierazi duenez, "orain Frantziak 10 eguneko epea du Patxi Espainiako Justiziaren aurrera eramateko".
Frantziako Justiziak zehaztu du baina, Espainiak ezingo duela Patxi Abad epaitu 2004. urteko otsailaren 29an Cuencan poliziak atzeman zuen lehergailuz betetako furgonetaren auziagatik. Espainian auzi bakar batengatik epaitu ahal izango dute Laudioko preso politikoa, ustez ETA erakunde armaturako kideak erakartzeagatik, eta Frantziako Justiziak adierazi duenez, delitu horregatik bere zigorra dagoeneko betea du Frantzian.
Frantzian ezarritako kartzela-zigorra bete baino egun gutxi batzuk lehenago jakinarazi zioten laudioarrari Espainiak euroagindu bat eskatu zuela bere kontra (ikus eskumako zutabeko albistea). Aste hauetan espetxean izan dute atzo hartutako erabakia hartu bitarte.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
