Argitara eman duten prentsa oharrean adierazi dutenez,”Laudioko Udalak azken hilabeteotan, Udaletxe, Euskaltegi eta Udal Lanbide Heziketa Eskolako langileen soldata murrizteari ekin dio Espainiako Gobernuaren Errege Dekretu baten aplikazioan oinarrituta”. Neurria PNV, PSOE eta PPren aldeko bozkekin onartu berri da. Ezker Abertzaleko zinegotziek kontrako botoa eman dute.
Salatu dutenez, “ PNVk langileek jasotzen duten gabonetako saskia kentzeko saiakera egin du ere” eta gogora ekarri dute saskia “ez dela inolako oparia, langileen lan hitzarmenean jasotako eskubidea baizik”. Azken neurri horrek babes faltagaik ez du aurrera egin.
“Udal langileak ez dira beste eremu batzuetan oinarria duen finantza krisiaren arduradunak” eta adierazi dutenez, “ez dugu uste hori krisiari aurre egiteko neurri bat denik eta ezta egungo egoera arinduko duenik ere”.
Lan Hitzarmena hautsi izanaren salaketa
Egungo lan hitzarmena gogoko ez dutela adierazi ondoren, “Udalbatzak onartutako hitzarmena apurtu” duela salatu dute. “Lan hitzarmenak langileek beraien eskubideak defendatu eta nagusien gehiegikeriez babesteko duten tresna apurretakoak" dira.
“Krisi hau finantza krisia da, sistemaren krisia. Hortaz, berau konpontzeko finantza sistema osoa erreformatu beharra dago eta ez lan esparrua. Arazoaren sustraietara jo dezatela, benetako errudunei erantzukizuna eska diezaietela, ez ditzatela bazterrak nahas eta errugabeak ez ditzatela errudun bilaka” adierazi dute aipatu prentsa oharrean
Argitara eman duten prentsa oharrean adierazi dutenez,”Laudioko Udalak azken hilabeteotan, Udaletxe, Euskaltegi eta Udal Lanbide Heziketa Eskolako langileen soldata murrizteari ekin dio Espainiako Gobernuaren Errege Dekretu baten aplikazioan oinarrituta”. Neurria PNV, PSOE eta PPren aldeko bozkekin onartu berri da. Ezker Abertzaleko zinegotziek kontrako botoa eman dute.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide