Laudioko Udalak duela zenbait hilabete langabezian dauden pertsonak kontratatzeko hiru programa finantzatzeko diru-laguntza eskatu zuen. Lanerako Formazioa Sustatzeko Eusko Jaurlaritzaren Sozietate Publikoak, Egailanek, hiru programa horiek finantzatzeko169.570 euroko diru-laguntza ematea ebatzi berri du.
Horrela, Laudioko Udalak 15 pertsona kontratatuko ditu 6 hilabetez. Pertsona horietako seiren lana zenbait lursailetan masa autoktonoak berreskuratzea izango da, beste bost pertsonek Zenagortaganan itxiturak jaso eta berrerabili daitekeen materiala jasoko dute eta, azkenik, bide publikoen mantentze- eta konponketa-lanak egingo dituzte beste lau kontratatuek.
Jon Karla Menoiok Laudioko PSEren jarrera salatu du.
“Gure lana esparru honetan zalantzan jarri egin dute” adierazi du alkateak, “oso erraza da eztabaida gaiztotzea eta gauzak ez diren bezala kontatzea, eta halaxe egin zuen alderdi sozialistak azken osoko bilkuran Laudio diru-laguntza hauetatik kanpo geratu zela adierazi zuenean”.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
