Parte-hartuz ikertaldeak hilabete luzeetan herriko gizarte eragileekin eta herritarrekin, oro har, garatutako prozesu parte-hartzailearen emaitza aurkeztuko du gaur Laudioko Udaleko Udalbatza Aretoan. Prozesu parte-hartzailearen helburua eraikitzekoa den Erabilera Anitzeko Aretoak etorkizunean izan beharko lituzkeen funtzioak zehaztea izan da, aretoa herritarren eta gizarte eragileen beharren neurrikoa izan dadin lortzeko asmoz.
Hainbat parte-hartze dinamika egin izan ditu ikertaldeak hilabete hauetan, eta euretan herriko hogei talde inguruk eta auzo asanbladetako kideek parte hartu dute batzar desberdinetan. Jasotako emaitzekin atondu duten txostena da gaur zabaltzera emango dutena, aldez aurretik Udalean ordezkaritza duten aldeerdi politiko guztiei aurkeztu ondoren, hain zuzen ere.
Arratsalderako zita, beraz, 18:30ean Udalbatza Aretoan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
