Solastiar elkarteak antolatuta, etxeko andre eta gizonen egunaren ospakizunen baitan, antzerki-kafe dinamika interesgarri batez gozatzeko aukera izango dugu; “Zeloak, gezurrak eta beste hainbat patologia” antzezlanaz, hain zuzen ere. Helburua antzerki lanaren bueltan planteatzen diren gaien inguruko eztabaida zabaltzea da, eta horretarako tartea irekiko dute aktoreen lanaren ondoren.
Zortzigarren urtea da Ohiala Zabaltzen taldeak Solastiar emakumeen taldearekin batera lan egiten duela, antzerki taldeko zuzendaria den Aitor Urquijo Cerecedak adierazi duenez, “emakumeen eta gizonen arteko begirunea eta tolerantzia sustatzeko, umorea pedagogia aldarrikatzaile bezala erabili nahi dugu, bortizkeria eta ulertezintasuna baztertzeko eta elkarbizitzaren alde egiteko”. Originala den obra bat taularatuko dute horretarako.
Jarduna, urriaren 8an -asteazkena- izango da kultur etxeko bigarren aretoan, emanaldi bikoitzean:18etan lehenengoa eta 19etan bigarrena.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
