Soldadura gabeko altzairu tutuak merkatu indiarrera bideratzeko kontratua da Bharat Heavy Electricals Limited enpresarekin sinatu berri dutena.
Enpresak adierazi duenez, Tubos Reunidos enpresak “kalitatearen eta espezializazioaren” alde egiten duen apustuaren ondorioa da kontratu hau. Tutuak Amurrioko lantegian ekoitziko dira eta urteko azken hiru hilekorako eskaera asetu beharko dute.
Kontratu berri honekin “enpresak Indian duen presentzia handitzen doa, eta epe ertainerako aurreikuspenak oso positiboak dira” adierazi dute.
Indian, eta azkenaldian Estatu Batuetan, Europan eta Korean sinatutako kontratuek “enpresaren berreskurapenaren adierazleak” direla adierazi dute.
Mundu mailan sektore energetikoetarako azpiegiturak ekoizten lehen mailako enpresa dela baieztatu dute Tubos Reunidos enpresako arduradunek.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
