Aurtengo Santa Ana jaiak ekimen erakargarriz beteta datoz. Horrela bada, pasadan urteko arrakasta ikusita, aurten ere Asto Lasterketan parte hartzeko aukera izango dugu. XXX. edizio hau uztailaren 25ean izango da eguerdiko 13tan. Partaide bakoitzak 30 euroko dieta jasoko du lasterketaren gastuei aurre egiteko. Izen ematea zabalik dago dagoeneko eta antolatzaileek adierazi digutenez, 94 672 82 74 (Utxo) telefono zenbakiaren bidez edo utxoreguera@gmail.com e-posta honetara idatzita bidera daiteke izen ematea.
Informazio gehiago nahi duena Aretako blogera jo dezake: http://areta.blogia.com/
Kontzertuak eta erromeraik egunero
Egitarau oparoak zita musikal garrantzitsuak izango ditu aurtengo Santa Ana jaietan. Horrela, uztailaren 23an, ostirala, Deabruak teilatuetan talde tolosarra eta Trikizio izango ditugu oholtza gainean. Larunbatean Itziarren Semeak eta Triki Ta Ke izango dira jai giroa musikaz bustiko dutenak eta azkenik Igandean aiaraldeko Izargi taldea izango dugu.
“Herriaren” pilota elkarteak antolatutako Pilota Partiduak
Bestalde, Aurten Santa Ana jaietan pilota partiduetaz gozatzeko aukera izango dugu ere. Olazabal eta Cecilio Idoate eta Merinoren aurka lehena, eta Retegi II eta Zubieta Aritz Lasa eta Beroizen aurka bigarrena. Zita hauek uztailaren 23an izango dira Aretako frontoian, gaueko 22tan zehazki eta sarreren prezioa 15 eurotakoa izango da.