Aiarako udalak Ibaguengo kiroldegia berriz eraikitzeari ekingo dio
Urte eta erdi baino gehiago igaro ostean lanak gelditu zirenetik, Aiarako udalak Ikastolaren ondoan eraikitzen hasi zen kiroldegia amaituko omen du, orduan egindakoaren zati bat aprobetxatuz.
2008ko uztailean Ibaguengo kiroldegiko obretan arrakalak agertu ziren eta Udalak lanak geldiarazi behar izan zituen, ez zelako bermatzen azpiegituraren segurtasuna. Obrek sei hilabete eskas iraun zuten. Ia urte bi pasatu direnean, udalak beste proiektu baten erredakzioa esleitu egin du 45.000 euroren truke.
Kiroldegia Etxaurren Ikastola eta udal igerilekuen ondoan eraikiko da, eta 2008an eraikitakoaren zati batzuk aprobetxatzen ahaleginduko omen dira. Berez, eraikinaren egitura bota egin beharko dute, segurua ez delako, baina estalkia adibidez, baliatzeko asmoa omen daukate.
Kiroldegi hau polemika-iturri izan da Aiaran proiektu abiatu zenetik; izan ere, EAko zinegotziak zeharo aurka agertu ziren eta kontua auzitara ere eraman zuten. EAko zinegotzien ustez, azpiegitura honek ez dauka zentzurik udalerriaren ezaugarriak kontuan harturik. Euren esanetan, bestelako zerbitzu batzuk eskaini beharko lirateke, hala nola kirol-gune txikiagoak herrietan (Aiaran 24 herri daude) eta kiroldegiak herrigune handienetan, Luiaondon eta Arespalditzan, eta ez eraiki kiroldegi handi bat garraio publiko bako leku batean.
Aiarako udalak Ibaguengo kiroldegia berriz eraikitzeari ekingo dio
2010ko mar. 24a, 00:23
Aiarako udalak Ibaguengo kiroldegia berriz eraikitzeari ekingo dio
Urte eta erdi baino gehiago igaro ostean lanak gelditu zirenetik, Aiarako udalak Ikastolaren ondoan eraikitzen hasi zen kiroldegia amaituko omen du, orduan egindakoaren zati bat aprobetxatuz.
2008ko uztailean Ibaguengo kiroldegiko obretan arrakalak agertu ziren eta Udalak lanak geldiarazi behar izan zituen, ez zelako bermatzen azpiegituraren segurtasuna. Obrek sei hilabete eskas iraun zuten. Ia urte bi pasatu direnean, udalak beste proiektu baten erredakzioa esleitu egin du 45.000 euroren truke.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide