Laudioko hainbat eragile abertzaleren deialdiari erantzunez, 200 herritar inguru atera ziren ostiralean kalera bandera espainola udaletxean jarri izana salatzeko. Eusko Alkartasuna, Ezker Abertzalea, LAB eta beste eragile sozial batzuek deitutako protestan ikurrinaren aldeko eta bandera espainolaren aurkako mezuak entzun ziren, bai eta EAJ alderdiaren jarrera salatzen zutenak ere.
Ikurrina handi batek irekitzen zuen manifestazioa, herriko erdigunea zeharkatu eta herriko enparantzan egindako ekitaldi txiki batekin amaitu zen protesta. Bertan bi bertsolarik parte hartu zuten eta dantzari batek aurreskua dantzatu zion ikurrinari txistuaren doinuak lagunduta. LAB sindikatuko eta Eusko Alkartasunako ordezkarien interbentzioekin bukatu zen ekitaldia, eusko gudariak ereserkia kantatu ondoren.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
