Aiaraldeko hainbat mendi talde, elkarte eta gazte asanbladek osatutako plataformak gizartearen parte hartzea eskatzen du proiektu txikitzaileak geldiarazteko. Hauetariko askok justifikatu gabe eta krisi garaian burutzen ari dira, multinazional eolikoek zuzentzen dituzten erakundeen babesarekin.
Duela urtebete, Aiaraldeko herritar eta elkarteek Industria, Merkataritza eta Turismo Saileko Gasteizko Eusko Jaurlaritzaren Araba lurraldeko bulegoan landutako alegazio txosten bat aurkeztu zuten. Aipatutako alegazioetan kolokan jartzen zen Zanpazuko zentral eolikoa egiteko aurkeztutako Ingurumen Inpaktu txostena. Zentral hau Amurrion ezarri nahi duten arren, Urduña (Bizkaia) eta Zuiari zuzenean eragingo lioke. Aurkeztutako txostenean 21 puntu jorratzen ziren Ingurumen Inpaktu txostenean ez zirelako agertzen edo gaizki zeudelako.
Landutako txosten horretan proiektu honek zeuzkan hutsuneak argitaratu zituen. Urte bat pasa zenetik, elkartekoek ingurumen informazioa babesten duen 3.1. 27/2006 legean oinarrituz, ardura duten erakundei aurkeztutako alegazio horiekiko erantzun arrazoitu bat eskatzen jarraitzen diete, oraindik jaso ez baitute.
Nahiz eta proiektu berrien mehatxuak gertatu Aiaraldean Valdegobia eta Berberan udalerritan aurkeztutako proiektua esaterako, eta alegatuta proiektuak aurrera jarraitzen dutelarik, Zanpazu Bizirik Herri Plataformak lanean jarraitzen du egunero. Azken hilabeteotan Arabatik zehar arazo eolikoa salatzen duen argazki erakusketa bat bueltaka dabil Mendiak Aske elkartearen eskutik. Erakusketa hau pasaden apirilean Amurrioko Bañueta Kiroldegian ikusgai izan zen. Gainera, Zanpazu Bizirik elkarrizketadun bideo bat egiten hasi da. Bertan politikariak, adituak, kaltetuak eta elkarte ezberdinetako partaideak parte hartzen dute. Laster gizarteari aurkeztea espero dute. Elkarteak, urrian Zanpazuko inguruneari buruzko jardunaldi monografiko batzuk antolatu ditu, bertan botanika, fauna, geologia, inguruko mendi ibilaldie buruz eta Euskal Herriko bestelako herriak aldarazten ari diren proiektu txikitzailei buruz jardungo dute. Printzipioz bost eguneko iraupena izango dute eta hizlarien presentzia konfirmatzear dago.
Gauzak horrela, elkarteak lanean jarraitzen du logika eta arrazoiak egunen baten bide luze honen amaierara helduko direlakotan.
Eolikoak: 700 alegazioak aurkeztu zirenetik urte bat pasa da.
2010ko mai. 29a, 11:06
Aiaraldeko hainbat mendi talde, elkarte eta gazte asanbladek osatutako plataformak gizartearen parte hartzea eskatzen du proiektu txikitzaileak geldiarazteko. Hauetariko askok justifikatu gabe eta krisi garaian burutzen ari dira, multinazional eolikoek zuzentzen dituzten erakundeen babesarekin.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide