Azkenengo urteetan egin bezalaxe, Amurrioko euskalgintza eta kultura eragile ezberdinek Euskara Zerbitzuarekin batera egitarau oparoa antolatu dute larunbat honetarako. Ohiturak elkartea, Mendiko Lagunak, Uhinak Irratia, Aiaraldea, AEK eta euskalgintzako ordezkari ezberdinek osatutako lantaldeak euskararen erabilera bultzatzeko ekintzak antolatu dituzte. Besteak beste, mendi martxa, haurrentzako tailerrak, txakolin eta gazta dastaketa, mus txapelketa, bertsolariak, kantukada, dantza plaza, zanpantzarrak, zuzeneko irratsaioa...
Eguerdian herri bazkari bat ere antolatu dute. Herriko plazan kokatua dagoen karpan izango da bazkaria eta 5 € balio du txartelak (AEK eta kultura etxean daude eskuragarri). Era berean Euskaraz Bai Egunean parte hartuko dutenen artean "neuk ere euskaraz bai" kamisetak banatuko dituzte, amurrioar euskaldunak hala agertzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
