Eguraldia lagun milaka lagun ekartu dira txakolinaren aurtengo uzta ospatzeko urtero antolatzen duten jai egunean.
Eguzkiarekin batera, goizean goizetik atera dira kalera postuen muntaia burutu behar zuten baserritar eta artisauak. Baita azoka gosez esnatu diren amurrioarrak ere.
Goizeko 11tan eman zaio hasiera festari. Rosa Ruiz Vidan Jatorri Izendapenarekin elkarlanean egindako lanagatik omendu ondoren, Juan Mari Juaristi eta Zigor Enbeita aritu dira nor baino nor bertaratutakoak zirikatzen. Karparekin batera, jai-giro erraldoiak asetu du Amurriora hurbildu direnen egarria. Izan ere, 150 mahaikiderentzako txakolin eta edalontziak mugimenduan egon dira uneoro.
Alabaina, egon da txakolina dastatzeaz gain jaki goxoa ahoratzeko aukerarik ere. Izan ere, Sloww Food elkarteak San Anton plazan dastaketa eskaini du. Juan Urrutia plazak, ordea, herri bazkariaren ordez pintxo, arrazio eta txakolina luzatu die hurbildutako aiararrei. Getariako antxoa, txistorra, hestebete, Lumagorri oilasko, Aginagako angula eta Arabako babarrun pintoen artean, beraz, eguraldia bezain eder igaro dute amurrioarrek aurtengo txakolin eguna.