Oso gutxi izan dira historia hurbilean askatasun sexualak Laudion defendatu izan dituzten taldeak. Horrela, beste herri eta hiri askotan gay, lesbiana eta transexualen elkarteak sortu izan diren bezala, Laudion ez da horrelako esperientziarik izan. Homofobia, transfobia eta lesbofobia bezalako gizarte gaitzen aurkako borroka ez da beraz behar bezala gizarteratu gurean. Eta gure gizarte hurbilean sexu aukerak eta identitateak askatasunez bizitzea ez da ematen duena bezain erraza. Lan asko dago egiteko zentzu horretan.
Homofobiaren aurkako Naziarteko egunean ere, Udala izan da zentzu horretan iniziatiba hartu duen bakarra, era soil batean hartu ere: Larunbatean “Mi Nombre es Harvey Milk” filmea proiektatu zen Lanbide Heziketa Eskolan eta gaur dugu bigarren zita: “Marika de Playa” antzezlana ikusteko aukera izango dugulako Lanbide Heziketa Eskolako Areto berdinean.18 urtetik gorakoei gomendatutako antzezlan honetan, Patxi Pérez eta Mila Espigak Victor pertsonaiaren 40 urtetako krisia historia kontatzen dute. Zita beraz, Lanbide Heziketa Eskolan arratsaldeko zazpietan.
Homofobiaren kontrako Nazioarteko Eguna Laudion.
2010ko mai. 17a, 08:53
Oso gutxi izan dira historia hurbilean askatasun sexualak Laudion defendatu izan dituzten taldeak. Horrela, beste herri eta hiri askotan gay, lesbiana eta transexualen elkarteak sortu izan diren bezala, Laudion ez da horrelako esperientziarik izan. Homofobia, transfobia eta lesbofobia bezalako gizarte gaitzen aurkako borroka ez da beraz behar bezala gizarteratu gurean. Eta gure gizarte hurbilean sexu aukerak eta identitateak askatasunez bizitzea ez da ematen duena bezain erraza. Lan asko dago egiteko zentzu horretan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide