Kaleratutako prentsa oharrean Ezker Abertzaleko zinegotziek adierazi dutenez, “Jon karla Menoio eta Unzaga alkateordeak, bi langilerekin batera espainiar bandera udaletxeko teilatuan jarri zuten goizeko 6etan”. Aldez aurretik inori jakinarazi gabe eta langileen lan orduetatik kanpo egin izana salatu du ezker abertzaleak, eta alkatearen eta alkateordearen jarrera Francorenarekin alderatu du espainiar bandera inposatzeagatik.
Kaleratutako oharrean, duela hilabete bat egin zen Osoko Bilkuran espainiar bandera ez jartzea erabaki zela adierazi dute, eta erabaki honek “gure herrian nagusi den sentimenduarekin” bat egiten duela, “ sentimendu argia; inposaketa, indarkeria, zapalkuntza, giza eskubideen ukazioa… eta Euskal herriaren ukazioaren ikur den bandera espainiarrarekiko”.
Alkatearen eta EAJren jarrera gogor gaitzetsi dute ohar honen bidez; “Gutxi axola zaie PNV eta Menoyori herriak edo Osoko Bilkurak esandakoak. Herri honetako lehenengo alkate ez-legitimoak (sufragio unibertsal barik eta iruzurraren bitartez alkatetza lortu baitzuen) eta bere azken botere esparruak eta negozioak PSOE eta PPrekin egiten dituen itunen bidez salbatzen saiatzen ari den PNVk, ez dute inolako arazorik gure herrian espainiar bandera jartzeko, salbuespen egoera babesteko eta -besteren artean- eskoletan umeak espainiar konstituzioan doktrinatzeko, lotsagabe halakoak”.
Erabaki berri hau “demokraziaren defizitaren erakusgarri” dela adierazi dute; “Nola daiteke 2010.ean oraindik ikurriña jartzeko eskubidearen alde, erakunde politiko guztien eta egitasmo politiko guztien legalizazioaren alde borrokatu behar izatea 70. hamarkadaren bukaeran bezala?”.
Bukatzeko dei berezia luzatu diete herritarrei eta EAJko militante eta jarraitzaileei ere gertaera larri honen aurrean euren kontrako karrera adierazi dezaten eta “ ondorengo egunetan antolatuko diren ekitaldietan parte har dezaten”.
Kaleratutako prentsa oharrean Ezker Abertzaleko zinegotziek adierazi dutenez, “Jon karla Menoio eta Unzaga alkateordeak, bi langilerekin batera espainiar bandera udaletxeko teilatuan jarri zuten goizeko 6etan”. Aldez aurretik inori jakinarazi gabe eta langileen lan orduetatik kanpo egin izana salatu du ezker abertzaleak, eta alkatearen eta alkateordearen jarrera Francorenarekin alderatu du espainiar bandera inposatzeagatik.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide