Itxinape mendi taldeak antolatutako Euskadiko txapelketa:
Karraka Orozkoko VII. Mendi Lasterketa 2012ko maiatzaren 6an ospatu zen. Eguna egoki argitu zen eta aurreko egunetan suertatu ziren ekaitzak ez zuten eragin handirik izan ibilbidea igarotzen zen bideetan, nahiz eta leku batzutan lupetza pixka bat izan.
Proban zehar hodeiak ikusi ziren, eguzki tarteak ere egon ziren eta tontor garaienetan lainoa ere ikusi zitekeen; baina orokorrean tenperatura egokia izan zen. Aurtengoan eguraldia antolatzaileen eta parte-hartzaileen alde jarri zela esan daiteke.
Aurtengoa Mendi Lasterketen Euskal Txapelketa izan da Orozkoko Karraka lasterketa. EMF-ak Itxinape Mendi Taldearekin batera antolatutako proba ofiziala dugu hau eta bertan 180 korrikalarik hartu zuten parte 5 kategoritan banatuta: orokorra, helduak, promesa, junior eta kadeteak.
Lasterketaren ibilbidea berria izan zen eta Gorbeiako Parke Naturaletik, Itxina inguru hurbiletik eta hainbat tontorretatik pasa zen, kolometa, Belangobuelta, Ipergorta, Oderiaga tontorrak esaterako. Lasterketaren ibilbidean zehar basabideak, bidexkak eta inguru karsttiko oso teknikoekin ere topo egin zuten korrikalariak. Ibilbidea Orozkoko Zubiaur plazatik irten eta Orozkoko Zubiaur plazara ailegatu zen. 27 km eduki ditu 1800m-ko desnibel positiboarekin.
Hainbat korrikalari eta epaileren aburuz ibilbide berri hau disfrutatzekoa izan da.
2012. urteko Euskal Herriko mendi lasterketen irabazleak hauek izan ziren:
Kadeteak Emakumezkoak Leire Fernandez
Kadeteak Gizonezkoak Gaizka Fuentes
Junior Gizonezkoak Iñigo Unanue
Promesak Gizonezkoak Mikel Tena
Helduak Emakumezkoak Yolanda Gurendez
Helduak Gizonezkoak Jesús Maria Perurena
Orokorra Emakumezkoak: Oihana Azkorbebeitia
Orokorra Gizonezkoak Walther Becerra
Ez zen istripu larririk gertatu eta orokorrean eguna modu egokian egin zuen aurrera. Lasterketa jende askoren lanari esker antolatu zen: horniketetan egondakoak, bidegurutzetan izan zirenak, EMF-ko epaileak, ibilbidea egoki seinalatu zutenak, diru-laguntza eman zutenak, Orozkoko Udaletxea.... eta hainbat eta hainbat jende. Guzti honek hurrengo urteetan berriz ere lasterketa hau antolatzeko indarrak ematen gaitu.
Irabazlea emakumezkoetan: Oihana Azkorbebeitia
Irabazlea gizonezkoetan: Walter Becerra
Lasterketako sailkapena hemen.
Data: 2012/05/06
Argazkiak: Jon Arbaiza