Maiatzaren 11an Laudion lehenbiziko aldiz antolatuko den zikloturismo lasterkertan parte hartzeko izen-emate epea zabaldu dutela jakinarazi dute S.C.Llodiana-ko antolatzaileek. 164 km-tako proba gogorra izango da, 2425 m-tako desnibel erantsiarekin.
I. Laudioar zikloturista izenpean goizeko 8:00tan abiatuko dira txirrindulariak Laudiotik luiandora bidean, besteak beste Peña Angulo, La Horca, Salinas eta Garatetik pasa ostean Laudion bertan bukatzeko froga. Antolakuntzatik ez dute gutxieneko adin edo prestakuntza fisikorik eskatu, baina partehartzaileen zifra mugatu dute, ordea; 400 dorsaldun egongo dira gehienez irteeran.
Martxaren egunean partehartzaileek aparkaleku libreak, kamiseta eta oparia izango dutela jakinarazi dute, ohiko janari eta edariaz gain. Parte hartzeko prezioa 22 € izango da lizentziaduna izan ezkero, eta 35 € izan ezean, aldez aurretik internet bidez izena emanda, betiere. Lasterketaren egunean apuntatzeko aukera ere zabalik utzi dute (400 dorsalak bete ez badira, noski) baina zertxobait garestiagoa izango da izen-ematea: 30 € lizentzia daukanentzat eta 43 € ez daukatenentzat.