Urteroko hitzordura bihurtzen ari da eskualdeko mendizaleen artean, eta aurtengoa martxa antolatzen den IV. edizioa izango da. Martxoaren 3an, igandea “Yarri memoriala” Artziniegako mendi ibilaldia abiatuko da frontoitik.
Ohi duten legez, Ganzorrotz Mendizale Taldeko kideek bi ibilbide prestatu dituzte martxaren barnean: luzeak 24 km izango ditu, eta mendizaleak Peñalba eta Otsati mendien tontorretatik eramango ditu, ondoren Zaballatik Artziniegara bueltatzeko. Laburra, berriz, 11 km-takoa izango da eta Sopeñako errege-bidetik Soxora igota luzearen ibilbidearekin bat egingo du bertan. Jatekoa eta edatekoa, nola, ez soberan egongo da bi ibilbideetan zehar.
Martxa luzea goizeko 8:00etan abiatuko da Artziniegako frontoietik, eta laburra 9:30etan leku beretik. Antolatzaileek eskatzen duten betekizun bakarra aldez aurretik izena ematea da, eta hori horretarako prestatu duten webgunean egin daiteke otsailaren 28rarte.
http://ganzorrotz.wordpress.com/artziniega-ibilaldia-2013/
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
