De la Peña garaile Laudioko sari nagusian

Erabiltzailearen aurpegia Gentza Garcia 2012ko otsailaren 22a

Jon Bingen de la Peñak jantzi zuen txapela Arabako Txirrindularitza Elkarteak pasa den larunbatean Laudion antolatutako IV. Master klasikoan. Txirrindulari bizkaitarrarekin batera Jose Antonio Larreak eta David Garciak osatu zuten podioa, frogan bildu ziren ia 150 txirrindularien artean sprint estuan Zumalakarregiko helmugara 2. eta 3. heldu ostean.

Jon Bingen de la Peñak jantzi zuen txapela Arabako Txirrindularitza Elkarteak pasaden larunbatean Laudion antolatutako IV. Master klasikoan. Txirrindulari bizkaitarrarekin batera Jose Antonio Larreak eta David Garciak osatu zuten podioa, frogan bildu ziren ia 150 txirrindularien artean sprint estuan Zumalakarregiko helmugara 2. eta 3. heldu ostean.

Partehartzaileek 4 bira eman behar izan zioten Laudioko zirkuituari, ondoren Luiaondo, Murga, Arespalditza, Zuatza eta Okondotik Aiarari zeharkatzeko eta berriro ere Laudioko kale nagusian prest zegoen helmugara heltzeko. Guztira, 78 kilometro gogorreko zirkuitua bete behar izan zuten, eta hori lasterketa utzi behar izan zuten 24 txirrindularietan islatu zen.

Gainontzeko kategorietan Spiuk taldeka, Jose Francisco Cordero (senior), Oscar Negrete (master40) eta Javier Murguialday (Master 50) gailendu ziren.

Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide