Euskararen normalizazioa Aiaraldean

[IRITZIA] Ahoak bizi? Belarriak prest?

Erabiltzailearen aurpegia Goiatz Urkijo Kastañares 2019ko aza. 25a, 07:00
Iaz Laudion egin zen Euskaraldiaren eskualdeko amaiera ekitaldia. / Aiaraldea.eus

Hizkuntza ohiturak aldatu ditzakegula eta aldatu nahi ditugula sinistuta, 2018ko azaroaren 23tik abenduaren 4ra "Euskaraldia: 11 egun euskaraz" ariketa sozial erraldoia burutu genuen milaka ahobizi eta belarriprestok.

Izugarria izan zen bai, baina jarri gaitezen orain harago begira. Imajina dezazun zer izango litzatekeen ariketa norbanako moduan egiteaz gain, taldetan ere egingo bagenu. Euskararen erabilerak eztanda egingo luke!

Horra hor Euskaraldiaren bigarren edizioak dakarkigun erronka nagusia: hizkuntza ohiturak aldatzeko ariketa hau espazio kolektiboetara ere ekartzea. Hau da, entitateetan horretarako prest dauden taldeak identifikatu, kide guztien adostasuna bilatu eta ariketa modu kolektiboan egiteko gonbidapena luzatzen digu bigarren Euskaraldi honek.

Ahobizi eta belarriprestez osatutako talde hauei izena ere jarri zaie: ariguneak, hots, euskaraz lasai aritzeko guneak.

Euskaraldiaren motorra herritarrak garela ezin ahaztuta, aurten ere, Aiaraldeko herri batzordeak berraktibatu eta aurreko urteko ilusioa eta elkarlana uztartuz, Euskaraldiaren bigarren edizioa martxan jarriko dugu eskualdean.

Beraz, batu zure herriko batzordera eta has gaitezen 2020ko azaroaren 20tik abenduaren 4ra gauzatuko den ariketa soziala prestatzen. Oraingoan ere, mundiala izango da eta!

Iritzia

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide