Igandean Gorbeiara

Goikogane Mendi Taldea 2015eko ekainaren 30a

IGANDEAN GORBEIARA

Urtero legez, Aterpetxe Eguna ospatzeko txutxuaz edo aitzakiaz, Gorbeian zehar ibiliko gara, hasi Uribiarten eta, Arbaitza, Arbaitzagoiti, Atxobieta, Lupezguren, Egurrola, Aletxibi, Abarokoatx, Arrolamendi, Legorreta, Ubizieta, Oderiaga, Argindegorta, eta azkenean Austegiarmin-en bukatuko dugu, 12 kilometroko ibilbidea.

Aterpetxean bazkaria (gehienez berrogei lagun sartzen gara, ozta-ozta) egingo digute, sukaldari on batzuek, eta, eguraldia lagun, arratsalde berera, atsegina emaiteko aukera ezin ederragoa. Ilunabarrean, “oi zein den ituna behera behar hau / nik ez nahi eguna bihurtzerik gau!” Lizardi olerkariak goxoki esana gogoratu arren, etxera bidean behera hasiko gara, Belaustegi, Larrabarreneta, Deskantsaleku, Kutxinarriaga, Zubimusturra, Arearrieta, Presakozelaia, Zubiondozearran zehar eta Uzabal-en autobusa hartzera.

Igande beroa izanez gero, non hobeto Austegiarmin-go pagopeko gerizpean baino?

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide