ELKERA GEROAGO
Hurrengo larunbatean, apiril-jorrailak 25, ELKE mendira joaiteko asmoa genuen, baina ez gara joanen, maiatz-orrilaren 10ean baizik. Orientazio ibilaldia, beraz, beste egun batez eginen da.
ELKE, aurreko astean igoriko Saioa bezala, Nafarroan dago, baina Artzibar aldean, Agoitzetik harago, Orotz-Betelu gainean, Otsa izeneko menditerian. Garaiera handikoak ez, mila metro ingurukoak denak, garbi ere ez beti, zuhaixkak, zuhamuxkak, basaberak, bedaixkak...txara sarria maiz. 16 kilometro luze, 600 metro gora-behera, zeharkaldi ederra egun osoan mendian ibilteko.
Lakabe herritik irtengo dugu. Herri hau, ez aspaldi, hutsik geratu zen, etxe bakarra bizirik; baina duela zeinbait urte, gazte batzuek bertan zegozen etxeak hartu zituzten eta bizietxe bilakarazi ondorean, berriro herrixka berritu zuten, bizberritu alegia. Helmuga Orotz-Betelun dugu. Eskualde hau guzti hau, bi mendetan, euskaldun huts izaitetik euskara ia osoki galtzera irago da, egun euskaldun zaharrak % 7 dira, gazteengan euskara birloratzen bada ere. Usotz, Gorraitz, Imizkoz, Artozki...euskal baserri nafarrak ditugu, antzina zaharreko bizieraren isla.