Azken urteotako ohitura jarraituz FIT A FIK elkarteak ekimen herrikoia antolatu du abenduan. Euskal musikak kaleak har ditzan ekimen xume eta partehartzailea: Gabon Kantak Kalez-kale.
Horretarako, bi hitzordu antolatu dituzte:
- Abenduaren 22an arratsaldeko 18:00etan Urduñako Foru Plazan. Txokolatea eta gaztainak banatuko dituzte Eskola Publikoko Gurasoen Elkarteko kideek.
- Abenduaren 23an 12:00etan Laudioko udaletxe zaharraren ate aurrean hasiko den deialdia.
Azken urteotako ohitura jarraituz FIT A FIK elkarteak ekimen herrikoia antolatu du abenduan. Euskal musikak kaleak har ditzan ekimen xume eta partehartzailea: Gabon Kantak Kalez-kale.
Horretarako, bi hitzordu antolatu dituzte:
- Abenduaren 22an arratsaldeko 18:00etan Urduñako Foru Plazan. Txokolatea eta gaztainak banatuko dituzte Eskola Publikoko Gurasoen Elkarteko kideek.
- Abenduaren 23an 12:00etan Laudioko udaletxe zaharraren ate aurrean hasiko den deialdia.
Guztira zortzi gabon kanta aukeratu dituzte, errazak, batzuk oso ezagunak eta besteak ez horrenbeste, aipatutako deialdietan letrak banatu eta ikasteko modukoak. Helburua herritarrak lotsarik gabe kantuan jartzea da, euskara eta euskal doinuak gure herrietako kaleetan hedatu daitezen. Eta noski, momentu atsegin eta dibertigarria pasatzea. Gainera, Urduña eta Laudioko Fit a Fik euskal soinutresna eskolako txistulariek, trikitilariek, eta panderojoleek musika euren instrumentuekin lagunduko dituzte kantura animatzen diren herritarrak.
Beraz, euskaltzale, kantuzale, abesbatzeko kide, musikazale... guztietarako deialdia da hau, debaldekoa eta dirulaguntzarik gabeko ekitaldi merke eta herrikoia. Parte hartzera animatzen diren herritarrak ezker zutabean aurkituko dituzte kantatuko diren abestien letrak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
