Laudioko Santa Luzia Abesbatzak iparraldera jo zuen larunbatean, Baigorrin ospatzen duten Fête du vignoble d'Irouléguy (mahats-biltzearen festa) gonbidatuak izan baitziren, Euskal Herriko Lurralde Historiko bakoitzeko beste abesbatza hautatuekin batera.
Ez da halako ospakizun batean murgildu diren lehenengo aldia, duela urte batzuk Hungarian ospatutako Abesbatzen Festibal Internazionalean ere parte hartu baitzuten.
Ekitaldiak goizean hasi ziren, hainbat abesbatzek emanaldiak eskaini zituzten zonaldeko upategietan. Ekitaldi nagusia, ordea, arratsaldean izan zen, 20:30etan Baigorriko Saint Etienne elizan egindakoa; abesbatza guztien banakako obrekin eta "Baigorriko Mendi Bizkarretan" abestiaren emanaldi bateratuarekin.
Informazio gehiago eskuratzeko, klikatu hemen. Hurrengo hilabetetan aukera bat baino gehiago izango da Santa Luzia Abesbatza entzun ahal izateko, egitarau oparoa jakinarazi baitute:
-Irailak 15, larunbata: Ezkontza Loiolan, busa antolatuko da.
-Irailak 22 eta 23, larunbata eta igandea: Palenciara egingo dute bidaia.
-Urriak 6, larunbata: Segoviako Astillero y Cuellarana abesbatzaren ekitaldian egongo dira.
-Urriak 20, larunbata: Udal Lanbide Heziketa Zentroan, abesbatzaren 40. urteurrenaren ospakizuna izango da.