Pentsionisten talde bat Laudioko Herriko Plazan apirilaren 3an elkartu zen, herri-galdeketari atxikimendua emateko. Beraiek 2018ko maiatzaren 6an, bozka egitera joango direla eta herriko pentsionista zein adineko lagun guztiei berdin egin dezaten dei egiten dietela jakinarazi zuten. Gizarte-politika berria, haien iritziz, funtsezko da, adineko jendea bere eskubideen jabe izan dadin.
IRAKURKETA OSOA:
Gizon-emakumeak gara, adineko lagunen bizitza hobetzeko asmoa dugunok. Gure egunoroko jardunean, hainbat arazori aurre egin behar izaiten diogu, pentsioen kopurua esaterako bat, gizarteko arreta zerbitzu urri eta bitarteko urriago sarri beste bat, bakargoa edota adinarekin batera datorren osasun-igatzea ere besteak beste. Hauek guztiok adin handiko nordinentzat bizitzaren azken epean eta aldian oztopo izan ohi dira biziera egokia egiteko.
Aldarrikapen hau izenpetu dugun gizon-emakumeok guri doazkigun eta dagozkigun arazoak, hein baten, guk geuk hartzen ditugun erabakien bitartez zuzendu edo konpondu ahal direla esatean bat gatoz, gu ahalduntzen garen neurrian adineko lagunen ongizatea bermatzeko tresna bilakatzen baikara. Etorkizuna, ikuspegi honetatik, gure esku dago politika-egile garen ber, bai herrian bai aberrian, izan ere politika herrigintza da, izan.
Laudion, herritar-talde batek antolatua, egingo den herri-galdeketa oso aukera ona dukegu gure egitekoan aurrera jo dezagun, zeren, urrutira begirako erabakiez eraiki ahal izango baitugu nahi dugun beste era bateko gizarte-politika berria, adineko jendea bere eskubideen jabe izan dadin. Honegatik guzti honegatik, 2018ko maiatzaren 6an egingo den herri-galdeketan esku hartuko dugula diogu, eta herriko pentsiodun zein adineko lagun guztiei berdin egin dezaten dei egiten diegu.
Laudio, 2018ko apirilak 5
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
