Izoriarrak, datozen egunotan, jai giroan murgilduta egongo dira; izan ere, urtero legez, San Julian jaiak ospatuko dituzte.
Jai batzordeak, antolatu dituzten ekimenen berri eman digu eta guk Aiaraldea osoari luzatu nahi dizkiogu.
Bihar hasiko dira jaiak. Errege Magoen eguna
Jaiei hasiera emango dien txupinazoaren ostean, odolostearen igoera egingo dute. Eguerdian meza nagusia ospatuko da, eta Ekialdeko Hiru Erregeek parte hartuko dute bertan; gainera ondo portatu diren herriko umeei opariak banatuko dizkiete.
Izoriarrak, datozen egunotan, jai giroan murgilduta egongo dira; izan ere, urtero legez, San Julian jaiak ospatuko dituzte.
Jai batzordeak, antolatu dituzten ekimenen berri eman digu eta guk Aiaraldea osoari luzatu nahi dizkiogu.
Bihar hasiko dira jaiak. Errege Magoen eguna
Jaiei hasiera emango dien txupinazoaren ostean, odolostearen igoera egingo dute. Eguerdian meza nagusia ospatuko da, eta Ekialdeko Hiru Erregeek parte hartuko dute bertan; gainera ondo portatu diren herriko umeei opariak banatuko dizkiete.
Bazkal aurretik euskal dantzen unea izango da; eta arratsaldean, berriz, umeentzako jokoak eta txokolatada egongo dira.
Urtarrilaren 7a, San Julian eguna
Goizean goizetik Txerri Hanka Txapelketan parte hartu ahal izango dute 10:30ak baino lehen izena emandakoek. Txapelketaren oinarriak bereziki horretarako egin duten kartelean agertzen dira; hala ere, parte hartzaile guztiek oparitxo bat izango dutela aurrera dezakegu.
Eguerdian, suziri jaurtiketa eta kalejira egingo dituzte herritik zehar; baita meza ospatu ere.
Gau partean, ordea, odoloste dastaketaz gozatu ahalko da; eta eguna bukatzeko, Hakker taldearen eskutik berbenan dantzatzeko aukera egongo da.
Urtarrilak 14 eta 15
Egun hauetan, mus txapelketa jokatu eta jaiei amaiera emateko odolostearen jaitsiera egingo dira hurrenez hurren.
Beraz, egun hauetarako planik ez dutenek, jakin dezatela Izoriako herriak bere jaietan parte hartzera gonbidatzen dituela.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
