Getxako aparkalekuan aparkatuta zeuden zenbait autotan lapurretak burutu dituzte. Gertakaria larunbat gaueko bederatzi eta erdiak aldera izan da.
"Modus operandi"a berdina izan da kasu guztietan: gidariaren aldeko leihoa hautsi eta atea zabaldu ostean, barruan zeuden baliozko gauzak eraman dituzte. Batik bat GPSak izan dira ebatsitakoak.
Ez dago argi pertsona bakarra edo gehiago izan diren. Antza denez, bere autoa aparkatzera zioanean gidari batek lapurra ikusi du; eta honek, ziztu bizian, korrika alde egin du.
Bizilagunek elkarri abisua pasa diote; eta gehienak bertara hurbildu dira.
Erasotutako autoen jabeek, hauek ezagunen garajeren batera eraman dituzte; izan ere, leihorik gabe eta erortzen ari zen euri jasarekin, autoak urez betetzen ari baitziren.
Ertzaintza lapurretaren lekura bertaratu denean bertan gelditzen ziren kaltetutako kotxeen matrikulak idatzi ditu; baita kotxeek jasandako erasoaren ondorioak eta ostutako gauzen zerrenda ere.
Bihar bertan salaketa jartzea gomendatu du, eta autoa edo autoaren egoera erakusten duen argazkia eramatea ere bai. Bestalde, ikerketa irekiko du lapurrekin emateko asmoz.