Zer da elkartegi bat?
Enpresa-zentroak dira elkartegiak. Bulegoak eta industria-lokalak eskaintzen dizkiete Bizkaiaren garapen iraunkor eta orekatuari lagunduko dioten enpresa ekimenei.
Urduñako Elkartegia
Urduñako Elkartegia eraikitzeko lanak abian dira iragan Irailetik. Azpiegitura S.A.-k egindako inbertsio honek 4.935.162,07 euroko aurrekontua du; exekuzioa aldiz, Viconsa J.A. Olabarriren esku dago.
Exekuzio epea 14 hilabetekoa da; eta hauen ondorio izango diren modulu eta bulego ezberdinak 18 hilabeteko epean erabilgarri egongo dira; beti ere, Irailetik kontatzen hasita.
Azpiegiturak
Elkartegia bi eraikinetan banatuko da; bata modulu industrialentzat eta bestea bulegoentzat. Eraikin industrialak 17 modulu industrial bilduko ditu, eta bulegoen eraikina bi solairutan banatuta egongo da; hauetan, 8 bulego modulu eta bi batzar-gela egongo dira.
Bi eraikinen artean 26 autorentzako lekua izango duen aparkalekua eraikiko da.
“Elkartegiak” programa
“Elkartegiak” programaren bitartez, Azpiegitura S.A.-k proiektu enpresarialetarako modulu industrial eta bulegoak eskaintzen ditu. Bizkaia osoan zehar banatuta dauden Enpresa-Zentroak dira Elkartegiak; alokairuan edo erosteko aukeradun errentamendu bidez eskuratu daitezkeenak; abantailekin eta baita hobari bereziekin ere. Baldintza hauek Urriaren 6ko 104 / 2010 Dekretu Foralean bilduta daude (2010eko Urriaren 26ko 206. BAO).
Informazio gehiago jaso daiteke
Behargintzak Urduñan duen bulegoan: Kale Nagusia 10, 1.solairua. 945 38 40 50