Iritsi da ilargi-harria Indiako diamante baliotsuarekin zer gertatu zen ezagutzeko unea. Nork lapurtu du? Nola lortu du Yorkshireko Verinderdarren etxetik ateratzea, handik atera badu? Non dago orain bitxi preziatua? Eta nor izango da misterioa askatzeko gai: Cuf sarjentu prestua, maiteminak jotako Franklin Blake gaztea, Ezra Jennings medikuaren laguntzaile dohakabea...?
Horiek eta beste asko dira Wilkie Collinsek idatzi eta Antton Olanok maisuki itzulitako (itzulpen arloko Euskadi saria eskuratu zuen lan honengatik) Ingalaterrako lehenengo detektibe-nobela luze eta mamitsuaren hari nagusiak, eta horiek eta beste asko izango dira Harri Orri Ar irakurle klubaren hurrengo hitzorduko harrikaden jopuntuak, ardo gozo baten laguntzarekin betiere.
Ilargi-harria nobelaren orrietan murgilduta ibili bazara, hortxe duzu orain barruak askatzeko hitzordua: urtarrilaren 23an, ostiralarekin, 19:00etatik aurrera, Amurriko Mendiko Lagunak taldearen txokoan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
