Ilargi-harriaren bila

Erabiltzailearen aurpegia Harri Orri Ar 2014ko abenduaren 5a

Hiriak, hiritarren ahalduntzea, gentrifikazioa, materialismoa eta garagar-ardoak atzean utzita, Harri Orri Har irakurle klubak kasu berri bat dauka esku artean.

Klubaren hurrengo hitzorduan, Wilkie Collins ingeles idazlearen Ilargi-harria (Alberdania-Elkar, 2008) izango da protagonista. XIX. mendean idatzitako nobela hau ingeles literaturako lehen detektibe-eleberria dela esaten da, eta misterio-nobela modernoaren bidean jarri zen lehenengo harria. Zeinek egin diezaioke uko misterioz jositako ikerketa bihurri bati? 

Bada, liburua irakurri ala ez irakurri zalantzan bazaude, kasu T.S. Eliot handiaren hitzei: “ingelesez idatzitako detektibe-eleberririk onena da”. Amen.

Urtarrilaren 23an elkartuko gara gu ere ilargi-harriaren bila abiatzeko, eta akaso, ardoari eta harrikadei laguntzeko, te eta pasta batzuk prestatuko ditugu propio okasiorako. Garaiz zaude, hortaz, zu ere liburua eskuratu eta irakurtzeko. 

T.S. Eliot, biziko balitz, etorriko litzateke. Eta zu?

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide