Eskolatik atera eta ikasle andana elkartu ginen ikastetxearen atzealdean, gauza debekatuak egiten ziren lekuan. Borobilean jarri eta bizkar atzean ezkutatu genituen eskuin ukabilak. Begirasun pisuak egin genizkion elkarri, ahotsa gorputza bezain lodi zuenak noiz seinalea emango.
-Harri… orri… ar!!
Eta aurrealdera luzatu zituzten denek besoak. Denek, guk izan ezik. Geroztik, denbora luzez, trufa guztien jomuga izan ginen.
Guri ere ahotsa loditu zitzaigunean ulertu genuen aukera baten alde egiteak beste guztiak alboratzea dakarrela. Zergatik baztertu, bada, maite dugun hori? Ze guk, lehen eta orain, maite dugu buru barruko HARRIkadak kanpora ateratzea, liburuetako ORRIaldeak irakurtzea eta ARdo txar, erdipurdiko eta onak edatea.
Zu ere gureetakoa bazara, etor zaitez ekainaren 20an, ostiralarekin, 19:30ean Basalarrinara. HARRI ORRI AR irakurle klubaren aurkezpena egingo dugu uda hasi bezperan, ez dadin falta jaurtitzeko harrikadarik, irakurtzeko orrialderik eta edateko ardorik. Gonbidatuta zaude.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide