Aurten Herriaren Pilota Elkartearen Batzar Orokorra apirilaren 18an egingo dugu Laudioko Plazako Erabilera Anitzeko Gelan, Lehen deialdia arratsaldeko 18:30ean eta bigarren deialdia arratsaldeko 19:00ean.
Batzar honetan bazkideen parte hartzea garrantzitsutzat jotzen dugu; alde batetik batzarraren garrantzia handia baita eta bestetik bazkide guztion iritzia ezinbestekotzat jotzen dugulako.
Batzar honetan Rafa Olabarria, gure Presidentea eta laguna zena, gogoan izango dugu, lan eskerga egin baitzuen Herriaren Pilota Elkartearentzat.
Atxikitzen dugun gai ordenean ikusiko duzuenez, Presidente berria hautatu behar dugu eta gonbidatu nahi zaituztegu zuen burua honetarako edota Elkarteko Artezkaritza Batzordean bestelako lanetarako aurkez dezazuen, prest egongo bazinete eskertuko genizueke Apirilaren 11 baino lehenago jakinaraztea era horretan hautagaitza batzarrera eramango genuke.
Batzarrak izango duen beste puntu garrantzitsua izango da Laudioko Udalarekin, udalbatzako gainontzeko alderdiekin eta Laudioko hainbat elkarterekin batera erdiguneko frontoiaren inguruan orain arte emandako urratsak. (Bizkaia kalean, Done Erroke Baselizaren azpian).
1. Kirol kudeaketaren gaineko informazioa, memoria
2. Diru-kontuen irakurketa eta onarpena
3. Erdiguneko frontoiaren kudeaketa txostena
4. Presidente berriaren eta Artezkaritza Batzorde berriaren hautaketa
5. Galderak eta eskakizunak