2012. urtetik Laudiok ez zuen parte hartzen Arabako Herriarteko txapelketan. Aurten, 2018an, talde berritua aurkeztuko dugu eta kategoria guztietan Laudioko jokalariekin arituko gara.
Arabako Herriarteko txapelketa maiatzaren 12-13ko asteburuan hasiko da eta taldea finalera helduko balitz ekainaren 17an jokatuko luke finala, Argantzunen, Araba Euskaraz egunean.
Laudiok 3 talde aterako ditu:
- Nagusi mailan: Aitor Aiesta, Asier Pagazaurtundua eta Jon Pagazaurtundua.
- Gazte mailan: Beñat Barbara, Asier Ibarrondo eta Iker Yuste.
- Gaztetxo mailan: Axular Alonso, Aimar Amondo eta Oier Picon.
Lehen jardunaldia maiatzaren 12an edo 13an izango da eta gure pilotariak Aramaioko pilotarien aurka arituko dira Aramaion.
Bigarren jardunaldia maiatzaren 19-20ko asteburuan Laudiora etorriko dira Zigoitiako pilotariak gure kontra jokatzera.
Eta ligaxkari amaiera emateko maiatzaren 26-27ko asteburuan Gasteiza joan beharko dugu bertoko taldearen kontra egiteko.
Horren ostean, final laurdenak etorriko dira eta zortea lagun, ea aurrera egin dezakegun.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
