Ispiluak

Erabiltzailearen aurpegia

Kalean, tabernetan, jendartean... parekidetasunerantz urrats handiak ematen ari garenaren istorioak kontatzen dira, oraindik ere. Eta, barkatu atrebentzia, baina zalantza handiak ditut honekiko.

Emakume izanagatik, bigarren mailako pertsona sentitzera kondenatuak gaude. Salaketen zenbakiak gora doaz, eta erasotzaileen adinak beherantz. Gazteon artean sendotzen ari den kultura da sistema patriarkalarena. Eta, indarkeria sexistak, modu sotilenetan zabaltzen ditu bere atzaparrak, harik eta genero bazterkeriaren aurka gaudenon begi eta buru kritikoenak ere bere sarean atzematen dituen arte.

Indarkeria fisiko gordinek eragiten dute inpaktu sozialik handiena: tratu txar fisikoak, kolpeak, erailketak, begibistako bortizkeria. Eta ikusezin bilakatzen den indarkeriaz, zer dugu esateko?

Indarkeria sexista urteko 365 egunetan eta 8.760 ordutan pairatzen dugun egoera da. Edertasun estereotipatuen barruan ibili beharra, bikotekide eta familiaren zerbitzura egonez gure buruak baliogabetzeko dugun betebeharra, gure plazerak eta desioak ingurunearen arabera erabakitzeko eta alboratzeko joera, ikasle fin eta txintxoak izateko eskakizuna, gauak arriskuz eta beldurrez bizitzeko mezuak, autodefentsa baino sumisioa elikatzeko mezu subliminalak... eta gure buruaz lotsatzeko erakusten dizkiguten ispilu erraldoiak.

Hautsi ditzagun ispiluok.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide