Sofatik altxatzeko garaia da

Erabiltzailearen aurpegia

Hogei eta hamaika urte, diplomatura bat, lizentziatura bat, hamaika ikastaro, eleaniztasuna eta lanerako prestutasuna. Zer gehiago behar du gazte batek, bada, bizitza independente bati ekiteko?

Langabezi gordinak, etxebizitza alokairu neurrigabeak eta bizi baldintza prekarioek eraman gaituzte eskualde honetako gazte-helduak ere gurasoen gerizpean bizirautera. Gazte-helduak diot, gure gurasook ordurako bazituztelako bi seme-alaba, zer jan eta non lo egin.

Gaur egun independentea den gaztea ez da, berez, independentea. Etxebizitza propioa duen gazteak 30 eta 50 urtetarako hipoteka baten menpeko da, alokairua duenak bere hileko soldataren bi herenak bataz beste xahutzen ditu ordainetan, eta sobratzen zaionarekin des-elikatzeko aukera geratzen zaio. Hori gutxi balitz, lanpostutik lanpostura saltoka bizi da eta ezin du, nahita ere ez, familia bat sortzeko guraria bete.

Etorkizunik gabeko gazteak ei gara edo ezerezera kondenatu nahi gaituzte, bederen. Geroko jendartea eraikiko duen belaunaldi prestatua eta freskoa gara eta, hala izanik ere, gazteon ihesaldiarekin egiten dugu topo egunero. 

Eta guk gure herrian bizi nahi dugu, bailara honetan. Maite ditugu gure inguruak, gure jendea, gure kultura. 

Duintasunez lan eta bizi nahi dugu. Asko eskatzea al da? 

Sofatik altxatzeko ordua iritsi da. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide