Artziniegako alde zaharra trafikoari begira itxita dago ekainean ordenantza indarrean jarri zutenetik. Geroztik baina, Artziniegako Bilduren esanetan, ika-mika izan da herrian bizilagunek sarbidea izateko banatu dituzten giltza eta txartelen kontura. Izan ere, Udal Gobernuak ordenantza martxan jarri eta hurrengo asteetan, bizilagunei giltza eta txartel bana gehiago banatu dizkie "gobernu batzordearen adostasunik gabe". Bilduk adierazi du, "beharrezkoa den kasuetan" aukera hori aztertzea eta baloratzea proposatu zutela "ez hori egiteko prozedura, eta are gutxiago txartelak bizilagun guztiei ematea".
Salatu dutenez, Udaleko idazkariak berak ohartarazi zuen etxebizitza bakoitzeko giltza bat gehiago ematea irizpide berria zela, eta ondorioz, ordenantza bera osoko bilkura berri batean aldatu beharko litzatekeela,"badakite legea ez dutela bete eta ez dira ausartzen hori onartzera".
EAJk trafikoa erregulatzeko eta alde zaharra peatonalizatzeko ordenantzaren inguruan kudeaketa "negargarria" egin duela dio Bilduk. Era berean, orain arte "emandako giltzak itzultzeko" eska dezala galdegin dio alkatetzari eta EAJri. Kasuak banan-banan aztertu eta beharrezkoa denetan giltza gehigarriak banatzearen alde agertu da koalizioa.
Bilduk salatu du alde zaharreko trafikoa arautzeko ordenantza ez duela bete Udalak
Artziniegako alde zaharra trafikoari begira itxita dago ekainean ordenantza indarrean jarri zutenetik. Geroztik baina, Artziniegako Bilduren esanetan, ika-mika izan da herrian bizilagunek sarbidea izateko banatu dituzten giltza eta txartelen kontura. Izan ere, Udal Gobernuak ordenantza martxan jarri eta hurrengo asteetan, bizilagunei giltza eta txartel bana gehiago banatu dizkie "gobernu batzordearen adostasunik gabe".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide