Aiaratur Turismo Sustapeneko Elkarteak lizitazioa ireki du eskualderako Turismoaren Plan Estratategikoa (2013-2017) sortzeko asmoz. Bertoko eragileekin batera landuko den turismo-estrategiak Aiaraldeko turismo etorrera handitzea eta lehiakorrago bilakatzea du helmuga. 2017ra bitarteko plan estrategikoa diseinatuko da bertan.
Natxo Urkixok Aiaraturreko lehendakari gisa aurreratu duenez "turismoaren alorrean lan lerro nagusiak zehaztuko dira, eta beraz, eskualdeko jarduera turistikoa planifikatzeko, sustatzeko eta kudeatzeko tresna" izatea espero dute.
Plana burutzeko epea lau hilabetekoa da eta ezinbestekoa izango da bertoko eragileen parte hartzea "horrela bakarrik lortuko baitugu errealitateari egokitutako plana egitea, eta merkatu turistikoaren joeren arabera moldatzea", gaineratu du Urkixok.
Eskualde lehiakorra turismoaren begietarako
Plan Estrategikoa lau urteko epean gauzatzeko diseinatuko da 4 hilabeteko epean. Hala, plan berriak lurraldeko baliabide turistikoak aztertu beharko ditu: eskaria eta eskaintza, egungo baliabide eta zerbitzuei norabide berria eman, azpiegiturak egokitzeko premia eta barne antolaketako eredua berregokitu... Azken finean, "egungo testuinguru zailean geure eskualdea lehen mailako helmuga turistiko lehiakorra bilakatu dadin" beharrezko urratsak emango dituztela azpimarratu du Aiaraturrek.