Basotik jeitsi eta Laudioko kaleak zeharkatu ostean herriko plaza bete betea zela, mezu bat eman nahi izan ziguten Olentzero eta Mari Domingik, balkoitik balkoira kantari arituta. Behar gehien dutenekin akordatu ziren lehenik: "Zenbat lagun ikusten dugun lanik gabe, zenbat senitarteko zintzo etxea galdu behar gorrian bizi ezinik, zenbat...ai hau tristura!". Argi adierazi zutenez, aurten zorroa gainez dakarte: "Zenbat gauza eskatu diguzuen! Denak ezin ordea!". Laudioko haurrei eskaera egin zieten "lagundu zuen aita eta amari, eta zuen amama eta aitita xaharrei batez ere, lagundu egiezue; eta zuen laguntto guztiei ere bai" denok elkarri lagunduz.
Euskal Herria kolore anitzez eraiktzeko deia luzatu zuten. Horretarako, "langileak behar ditugu" egunero egunero gure inguruan bizi diren "ankerrei" aurre egiteko.
Palestinaz, Siriaz, genero indarkeriaz, arrazakeriaz... eta beste gai ugariz aritu zen Olentzero balkoitik. Gosea, herrien askapena... eta "askatasun haizekirri bat hasi dela zabaltzen" sumatu zute biek.
"Euskarak elkartzen gaitu"
Euskarak elkartzen gaituenez, euskara ahora eramateko eta mingaina dantzatzeko mezua izan zen borobiltzekoa, noski. Datorren negura arte Mari Domingi, Olentzero eta ikazkinak mendiko etxolan egongo dira, lanean. Urte beteren buruan berriz, herrietara jaitsi eta ilusioa barreiatu asmoz. Atzo agurtu ziren hitz berdinekin bukatuko dugu guk ere: "Eguberri on! Bon nadal! Salam alekum! Feliz natal!" eta beste hainbeste zorion!