Aretako Lipmesa (Qinton Hazzel) enpresako Komiteak eta langileen asanbladak, euren egoera larria salatzeko mobilizazioak iragarri dituzte. Besteak beste, datorren astelehenerako manifestazioa deitu dute eguerdiko 12:00etan. Laudioko Lamuza Plazatik aterako da mobilizazioa, eta adierazi dutenez "150 langileren kaleratzea edota enpresaren itxiera" gerta daiteke datozen asteetan.
Klarius Taldeak azken bi urte eskasetan enpresa egoera ekonomiko oso kezkagarrira eraman dutela salatu dute prentsara igorritako oharrean "Ez dugu askotan lehengaiak erosteko aukerarik izan, eta hortaz, ezin izan diegu eskariei erantzun. Abenduan bukatuko den bigarren EREan aurkitzen gara orain". Abendutik aurrera enpresa leihaketara aterako dute, eta enpresariek diotenez, norbaitek Lipmesa erostea litzateke irteera bakarra.
Guardianeko langileen eredua
Guardianeko langileen borroka eredugarritzat jo dute Komitekoek, eta era berean, lortutako emaitza positiboarengatik zoriondu nahi izan dituzte. Euren kezka, hala ere, hortxe dago. Izan ere"zoritxarrez, borroka bat bukatu eta beste bat ireki da".
Herritar eta langileriari gonbidapena
Datorren abenduaren 24an kalera ateratzeko deia luzatu dute langileek.