Bai Amurrion eta baita Laudion ere, APILL eta APYMCA merkatarien elkarteek bezeroekiko harremanak estutu eta bultzatzeko kanpaina abiatu dute beste behin ere, "Harraskatu eta irabazi" izenez ezaguna dena. Astelehenean Amurrion hasi zuten boletoen banaketa. Txartel gehienek opariren bat izaten dute harraskatu ondoren: erosketetarako bonoak, tabernetan kontsumitzeko aukera, detailetxoak...
Amurrion datorren igandera arte
Kanpainan parte hartzen duten merkatal guneek, hala iragarri eta adieraziko dute publikoki kartel baten bidez. Amurrioren kasuan 7.000 euro oparitan banatuko dituztela adierazi dute APYMCAtik.
Laudion datorren asteazkenera arte
Laudion aldiz, atzo hasi eta urriaren 24ra bitartean mantenduko dute ekimena. 0'50 zentimoren truke 12.000 opari banatuko ditu APILLek, eta hauen artean menuak, kafetegi eta tabernetako kontsumizioak... Guztira 17.750 eurotan baloratu dute oparien zakua.
Kartelaren bidez jakinarazioko da zein merkatarik parte hartuko duen ekimenean, eta informazio gehiago eskuratu nahi duenak, www.laudiocomercial.com webgunera jo dezake.