Astearte honetan, uztailak 3, Kultur Etxean elkartuko dira "Made in Laudio" ikuskizunean laguntzaile eta partaide izan nahi duten herritarrak. Bilera hau ideien ekaitza egin eta proiektuak hobetzeko asmoz egin nahi dute antolatzaileek. Horretarako, bideo eta eszenatokiko proiektuen aurkezpena egingo da eta behar teknikoak aztertuko dira bertaratutakoen artean.
Parte hartzeko gonbidapena
Ikuskizuna zer nolakoa izan behar den eztabaidatu eta adosteko asmoz, "Made in Laudio"ren aurtengo ikuskizunaren ateak zabaldu nahi izan dituzte, interesa izan dezakeen edonori parte hartzeko gonbidapena eginez. Aurtengo edizioa herriko plazan izango da, abuztuaren 22an gaueko 10etatik aurrera, Berakatz Egunean.
Hartuemanean jarri nahi duenak, madeinlaudio@gmail.com helbide elektronikora idatz dezake. Baita informazio zuzenagoa eskuratu ere www.madeinlaudio.com atari digitalean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
