Azken egunotan norbere kabuz egin bezala, oraingoan Amurrioko Udal taldeek aho batez sinatu dute Amurrioko Epaitegiaren desagerpenaren aurkako adierazpen instituzionala.
Ostegun goizean, Amurrioko udal taldeen bozeramaile diren Robero Gonzalezek (PSE), Montse Canivek (PP), Luis Mariano Alavak (Bildu) eta Josune Irabienek (EAJ-PNVko ordezkari eta bertako alkatea) aho batez, oraingo Amurrioko Barruti Judizialaren gaineko desagerpenaren aurkako adierazpen instituzionala izenpetu dute.
Adierazpenak, Amurrioko Epaitegia mantentzeko eskaria egiten du, eta 7 udalek osatzen duten Barruti Judiziala bere horretan utziz. Auzokideen eskubide eta interesak bermatze aldera, justizia administrazio zerbitzu hurbila ematea eskatu dute. Horrez gain, langileen etorkizuna kolokan dagoenaz jabeturik, elkartasuna eta laguntza adierazi dute udal taldeek. Elkarrizketa eta negoziazioa bultzatzeko eskatu dute, besteak beste.
Akordio hau, Espainiako Presidenteari, Euskadiko Lehendakariari, Justizia Ministroari, Euskadiko Justizia Sailburuari, Euskadiko Justizia Auzitegi Nagusiko Presidenteari, Botere Judizial Kontseilu Nagusiaren Presidenteari eta Amurrioko lehenengo instantziako epaileei helaraziko zaiola adierazi dute egindako agerraldian.