Egun gutxi falta dira Aiaraldeko Bertso Eskolak lanean hasteko. Laudio eta Amurrion behintzat, horrerako aukera izango du nahi duenak. Iazko taldeek asteroko hitzorduak mantenduko dituzte, eta horrez gain, talde berriak sortzeko irrikitan daude Arabako Bertsozaleen Elkarteko kideak. Urriaren lehen astean hasiko dira eskolak.
Amurriokoak aurrera
Amurrion bat batean kantatzera animatzen den gazte talde bat dago, baita helduen talde bat ere. Maiztasuna eta ordutegiak taldean erabakitzen dira gehiengoaren arabera antolatuz.
Egun gutxi falta dira Aiaraldeko Bertso Eskolak lanean hasteko. Laudio eta Amurrion behintzat, horrerako aukera izango du nahi duenak. Iazko taldeek asteroko hitzorduak mantenduko dituzte, eta horrez gain, talde berriak sortzeko irrikitan daude Arabako Bertsozaleen Elkarteko kideak. Amurrion bat batean kantatzera animatzen den gazte talde bat dago, baita helduen talde bat ere. Maiztasuna eta ordutegiak taldean erabakitzen dira gehiengoaren arabera antolatuz.
Laudion sortzeko saiakera
Laudion bertsotan aritzeko gogoa duenak, badu helduen talde bat horretarako. Dena den, hasiberrientzako deialdia ere luzatu dute Aiebe Aiaraldeko Bertsozaleen Elkartetik, "bertsolaritzaren transmisioan gero eta lan handiagoa egiten da, zaletasuna piztu eta bertsoez gozatzeko aukera eman nahi diogu gurera animatzen den edonori", adierazi du elkarteko kide batek.
Hori dela eta, irailaren 30erako deialdia luzatu dute kartel honen bidez, "ea lagun talde bat baino gehiago animatzen den aisialdia umorez eta jai giroaz betetzen". Arratsaldeko 6etan izango da bilera, Kultur Etxean. Izena emateko adin taldeak ere zehaztu dituzte: 10-14 urte bitartekoen taldea, eta 16 urtetik gorakoentzako bestea. "Tartean geratzen denari ere, lekua topatzeko prest" azaldu dira antolatzaileak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
