Udalak jakinarazi duenez, litekeena da erdigunean kokatuta dagoen gasolindegia San Jose auzoko biribilgunean ezartzea. Azken erabakia hartuta ez badago ere, baimen eskaerak aurkeztu dizkiote Eusko Jaurlaritzako Ingurumen Sailari. Udallaren arabera, biribilgunetik Laudiorako norabidea hartuta eskumara geratzen den zelaian eraikiko dute. 2009ko ekainean ebatzi zuen udalak Aldai kaleko gasolindegiaren leku aldaketa. "Gasolindegia dagoen tokian biribilgune bat egingo dugu, Etxegoien kalea, Dionisio Aldama, A-625 errepide zaharra eta Aiara etorbideko trafikoa antolatzeko".
Gasolindegiak 50 urte bete ditu irekita. 1959an jarri zuten martxan, 50 urterako jarduera baimentzen zion akordio bat medio. Leku aldatzearen ondorioz, 19.000 metro karratuko eremua proiektu berrietarako erabilgarri geratuko da. Aurreratu dutenez, garbiketa lanak egin beharko dituzte, " mende erdiko jardueragatik lurra kontaminatu egin da eta".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
