aiaraldea.eus

Eskualdeko haurrek Bertso Abenturan murgiltzeko aukera izango dute apirileko oporraldian

Erabiltzailearen aurpegia Irati Mendiguren Cosgaya

Aiaraldeko haur bertso zein abentura zaleek aukera izango dute Urduñako Aterpetxean hiru egun dibertigarri ekintzez lepo emateko. Bertso jolasak, mendia eta abentura ardatz izanik, apirilaren 18tik 20ra bitartean oporraldiez gozatzeko beste aukera da honakoa.

Aiaraldeko haur bertso zein abentura zaleek aukera izango dute Urduñako Aterpetxean hiru egun dibertigarri ekintzez lepo emateko. Bertso jolasak, mendia eta abentura ardatz izanik, apirilaren 18tik 20ra bitartean oporraldiez gozatzeko beste aukera da honakoa.

Aiarako bertso eskolak hamarnaka urte darama bizirik. Egun ere asterik aste gaztetxoak, gazteak eta helduak batzen dira Amurrio, Laudio zein inguruetako txoko eta kultur etxeetan inprobisazioaren arteari ateak irekitzeko. Hezkuntza arautuan ere ikastetxe ugarik eskaintzen dute bertsolaritza tailerra. Euskararen eta euskal kulturaren transimiso euskarri garrantzitsua den adierazpen-mota da bertsolaritza, eta aiaraldeko haur zeinn gaztetxoek ere, espresio entzutetsu honen berri izateko ahalegin berezia egiten da urtez urte.

Abentura bertsoz

Arabako Bertsozaleen Elkarteak Aiarako Kuadrilla osatzen duten udalerriekin batera, eskualdeko gaztetxoenei zuzendutako aisialdi eskaintza bertsoz bustitzea erabaki dute oraingoan. Urduñako Aterpetxean ingurune eta mendiez gozatu ahal izango dute Lehen Hezkuntzako hirugarren mailatik seigarren mailara bitartean dauden haurrek.  

Plaza kopurua mugatua da, eta izen ematearen arabera onartuko dira Bertso Abenturako zerrendak. Egonaldiagatik 30 euroko ordainketa egin beharko da eskualdeko haur bakoitzeko, baina eskualdetik at bizi denak ere izango du parte hartzeko aukera, 60 euroko dirusarrerarekin.

Udaleku itxia izango da, hiru egunetako ekintzak, jatorduak eta loa ere, bertan egingo dutelarik begiraleekin batera. Horretarako baina, martxoaren 24a baino lehen izena eman beharko dute Aiarako Kuadrillaren Euskara Zerbitzura deituz, Udaletako Euskara Zerbitzuen bitartez, edota Arabako Bertsozaleen Elkartearekin harremanetan jarriz.

Erantsitako afitxan duzue informazio zuzena eta helbide zein telefono zenbakien berri.

 

Erantzunak

Erabiltzailearen aurpegia Anonimo Erantzuna | #1

Informazio osagarria, interesik duenarentzat: irudian ezin daitezke tfnoak eta gainerakoak ikusi eta, bestetik, umeek dagokien tokian eman behar dute izena ez edonon. Hona hemen:

LAUDIOKO UMEEK HONETARA JO BEHAR DUTE IZENA EMATEKO:
LAUDIOKO UDALA—Euskara arloa
Tel: 94 4034 890
e-posta: euskara@laudiokoudala.org

AMURRIOKO UMEEK HONETARA JO BEHAR DUTE IZENA EMATEKO:
AMURRIOKO UDALA– Euskara zerbitzua
Tel: 945 891161
e-posta: euskara@amurrio.org

AIARA, OKONDO ETA ARTZINIEGAKO UMEEK HONETARA JO BEHAR DUTE IZENA EMATEKO:
AIARALDEKO KUADRILLA - Euskara Zerbitzua
Tel: 945399122 / 677566245
e-posta: cayala.alberto@ayto.alava.net

Mila esker. FM

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa