Otsailaren 12an eman zitzaion Laudion hasiera Arabako bertsolari txapelketari. Beste bertsolari batzuen artean Ainhoa Comas amurrioarrak kantatu zuen. Larunbatean jokatu zen Elosun bosgarren eta azkenengo kanporaketa. Bertan erabaki zen zein bertsolarik jarraituko duten txapela lortzeko lehia. Beste 15 bertsolarirekin batera, Serapio Lopez baranbioarrak, Unai Mendibil larrinbearrak eta Izar Mendiguren laudioarrak lortu dute bigarren faserako sailkatzea.
Serapio Lopezek Zigoitian kantatuko du, martxoaren 13an. Oihane Perea, Manex Agirre, Felipe Zelaieta, Andere Arriolabengoa eta Irati Anda izango ditu kantukide. Izar Mendigureni Aramaioko oholtza egokitu zaio, eta Asier Otamendi, Iñaki Viñaspre, Ekaitz Samaniego, Xabi Igoa eta Rikardo Gonzalez de Duranarekin arituko da martxoaren 19an bertsotan. Unai Mendibilek, ordea, azken finalerdian defendatu beharko du bere burua, Ander Solozabal, Zigor Enbeita, Juan Mari Juaristi, Ruben Sanchez eta Alberto Martinez "Betto"-rekin batera. Txapelketak, beraz, Arabako bazterrak bertsoz betetzen jarraituko du apirilak 2ko finala arte.