Ostiralean Basalarrina elkartean jokatu zuten Bertxoko Sariketaren bigarren kanporaketa. Bertsotan aritu ziren Iker Agirren aramaioarra, Pello Ormazabal arrigorriagarra, Izar Mendiguren laudioarra, Aimar Karrika auriztarra, Ainhoa Mujika beasaindarra eta Julio Soto gorritiarra. Azken biek kantatuko dute azaroaren 26an, Trebiñuko sagardotegian izango den final handian.
Aiarako Bertso Eskolakoek prestatutako afarira 45 lagun gerturatu ziren. Oro har, saio polita egin zuten bertsolariek. Agurretik hasita izan zen saioa berezia. Izan ere, abesti ezagun baten doinuan kantatu behar izan zuten lan puntuagarria. Iker Agirrek Kaxianoren Itsasontzi baten kanta hautatu zuen, Izar Mendigurenek David Bisbalen Ave Maria eta Julio Sotok Olentzero. Bakarkako lanean txapel ezberdinei kantatu behar izan zieten bertsolariek.
Bihar, osteguna, jokatuko da Gasteizko Errexala elkartean hirugarren eta azken kanporaketa. Norbaitek azken kanporaketara edo finalera afaltzera joan nahi badu, Arabako Bertsozale Elkartearekin harremanetan jar dadila eskatu dute, 675707971 telefonora deituz edo araba.sustapena@bertsozale.com helbidera idatziz.