Aiaraldea Gasteizekin lotzeko Diputazioak daukan borondate falta salatu du Aralarrek. Prentsa ohar batean adierazi du etengabea dela Aiarako bailara hiriburuarekin lotzeko garraio publikoaren eskaintzan eta prezioetan gertatzen ari den atzerakada, eta horrek, herrialdeak bere barne antolaketan daukan defizita areagotzen duela. Diputazioaren jarrera gogor kritikatu du "Prezio herrikoiak ezartzeko eta horiek kontrolatzeko erantzukizuna dauka Diputazioak, era horretara honelakoa bezalako eskandaluak ez gertatzea saihestekoa".
Aiaraldea Gasteizekin lotzeko Diputazioak daukan borondate falta salatu du Aralarrek. Prentsa ohar batean adierazi du etengabea dela Aiarako bailara hiriburuarekin lotzeko garraio publikoaren eskaintzan eta prezioetan gertatzen ari den atzerakada, eta horrek, herrialdeak bere barne antolaketan daukan defizita areagotzen duela. Diputazioaren jarrera gogor kritikatu du "Prezio herrikoiak ezartzeko eta horiek kontrolatzeko erantzukizuna dauka Diputazioak, era horretara honelakoa bezalako eskandaluak ez gertatzea saihestekoa". Gaineratu duenez, bizi dugun egoera ekonomikoarekin, zerbitzu publikoen salneurriak handitzeak gutxien dutenei baino ez die kalte egiten, zerga ez-zuzenak garestitzen dituztelako, "kasu honetan, garraioaren zergak".
Zerbitzu publikoen etengabeko garestitzea ulertezintzat jo du, eta kezka agertu du herrialdeko loturak hobetzeko garraio planik egin ez delako herritarrek gainkostua beren poltsikoetatik ordaindu behar ez dezaten. Nabarmendu duenez herrialderako garraio plana gauzatzea erakundeen politika estrategikoetako bat izan beharko litzateke : "beraien ardura da herrialdea lotuko duen sarea sustatzea eta sortzea, baina herritarren poltsikoei kalterik egin gabe". Horregatik, Aralarrek uste du zerbitzu publikoen prezioak izoztu behar direla eta azpiegitura erraldoietan ordez, honelako gaietan arabako erakundeek ahalegin handiagoa egin beharko luketeela.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
