Datorren larunbatean Valladolideko espetxera martxa antolatu dute Gotzone Lopez de Luzuriaga (Gasteiz) eta Julen Fernandez (Laudio) arabarren egoera larria salatzeko.
Elkartasun martxan parte hartzeko deia luzatu diete jendarte eragile, sindikatu, elkarte edota norbanakoei.
Gotzone gasteiztarra 1989tik dago preso. Hainbat kartzela ezagutu ditu espetxealdi luze honetan eta, gaur egun, Valladoliden aurkitzen da. Preso politikoek dituzten bizi baldintza kaxkarrez gain, senideengandik ia 300 kilometrora dago egunero, dispertsioak eragiten duen arrisku eta ezinegona jasanez. Eta hori gutxi balitz, 2007tik larri gaixoturik dago minbiziak jota. Kartzelan tratamendu egokirik ez hartzeaz gain, gaixotasun sendaezina diagnostikatu dioten arren bertan jarraitzen du preso. Espetxeko tratamendu batzordeak baldintzapeko askatasuna eskatu bazuen ere, medikuorde baten kontrako bozkak galarazi zuen Gotzone baldintzapeko askatasunean uztea. 30 urteko espetxe zigorra du une honetan eta larriki gaixo dago.
Julen laudiarra aldiz, 1989tik preso dago, eta datorren urtean bere zigorra guztiz beteko badu ere, 2015era arte luzatu diote espetxealdia. Eraikina eta zuloaren egoerak muturrekoak izanik, askotan 20 edo 22 ordu eman behar izaten dituzte gela barruan eta, ohikoa da, ansiedade, trastorno emozional eta buraz beste egiteko arrriskuen areagotzea. Julen Fernandez aiararra isolamenduzko graduan daukate.
Arrazoi hauek eta beste hainbeste dira, Gotzone eta Julenen egoera berean daudenen behin betiko askatasuna aldarrikatzera daramatzatenak.
Autobusean izena eman nahi duenak Ilargi tabernan eman ahalko du egun hauetan.