Iraila. Gasteizko Udalak gizarte-etxeetan antolatzen dituen jardueretan tokia lortzeko zozketan zerbait egokitu ote zaigun ikusteko unea. Poza. Ardo dastaketaren oinarriak ikastaroa egin ahal izango dut. Euskaraz, gainera.
Baina ikastaroaren nondik norakoak irakurtzen hasi, eta hara non ikusten dudan txakolinak dastatuko ditugula, eta ez, esate baterako, Arabar Errioxako ardo beltzak. Ikastaro hori gaztelaniaz ere ematen dute, eta ezetz asmatu zer dastatuko duten? Txakolina, akaso? Ez, ba! Arabar Errioxako ardo beltzak.
Euskaldunek, antza, gustukoago izan behar dute txakolina. Txakolina ardo beltza baino lotuago omen dago euskal unibertsoari. Hori pentsatzen ote dute antolatzaileek? Horra, bada, kantauriar isurialdeko euskal herritarren hegemoniaren beste adibide bat.Izan ere, txakolinei buruzko ikastaroa emango duen aditu euskalduna gai da baita ere ardo beltzei buruz hitz egiteko; ziur nago horretaz. Eta ez, ez zait txakolina gustatzen, eta horregatik ez dut izena emango ikastaroan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
