Ezin du hitz egin. Haren ahotik soinu inartikulatuak soilik ateratzen dira, oihu desatsegin moduko batzuk, mar-mar amaiezin bat. Ezin da ibili. Haren aitak bizkarrean hartu eta hala igotzen du etxera, eskaileretan gora, Sisifok harria nola. Eskerrak lehenengo solairuan bizi diren. Orgatxo batean eramaten dute batetik bestera, baina ez da ume txikia, 8-9 urte inguru ditu, eta koskortuta dago jada. Begirada galdua dauka, eta ahoa irekita beti. Eskuekin ere keinu arraro samarrak egiten ditu. Auzokoa dudan arren, ezer gutxi dakit hari buruz. Zer izen du? Zer demontre dauka? Nola deitzen da haren gaitza? Errazagoa da gurasoei agur azkar bat egitea eta ziztu bizian alde egitea etxeko ataritik. Galdera horiek morbo hutsagatik egiten ari naizela pentsatuko dute eta gaizki hartuko dituzte, hori da neure buruari esaten diodana. Baina nik uste aitzakia hutsa dela hori, eta ez diedala galderarik egiten, hain zuzen, ez dudalako jakingo nola jokatu. Hasieran, familia hori gurera aldatu zenean, beheko etxera, zehazki, ez nekien zein zen gauean loa eragozten zidan hori. Negar batean bizi zen ume jaioberria zela uste nuen. Oker nengoen. Harenak ez dira negarrak, eta, tamalez, haren egoera ez da hazi ahala hobetuko. Guraso horiei, beste askori bezalaxe, loteria egokitu zaie, baina inork nahi ez duen saria irabazi dute.
Testu hau Irati Marañonek idatzi du Alea.eus-en eta CC-SA-BY lizentzia erabilita ekarri dugu hona.
"Harenak ez dira negarrak eta egoera ez da hazi ahala hobetuko".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide